منتديات حبى ليك

منتديات حبى ليك


 
حبى ليكالرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
درٍدشـۓـُة ومۓـــنــتۓــديۓــآآتۓ[حـۓـبى لـۓـيك] نتمنـُـۓـآإْ لكـۓـُم قضـۓـَآ‘إْء إْجـۓـمـۓـَل إْلآوٍَقـۓـآت معنـۓـآآ
إْهـۓـُــلآ وٍ سهـًـۓ‘ـلآ بكـۓـُمَ فـَي درٍدشـۓـُة ومۓـــنــتۓــديۓــآآتۓ[حبى لــيك] نتمنـُـۓـآإْ لكـۓـُم قضـۓـَآ‘إْء إْجـۓـمـۓـَل إْلآوٍَقـۓـآت معنـۓـآ‘إْ (شبح الحب)ـإْهـۓـُــلآ وٍ سهـًـۓ‘ـلآ بكـۓـُمَ فـَي درٍدشـۓـُة ومۓـــنــتۓــديۓــآآتۓ[حبى ليك] يـۓـمكنكم الـۓـدخوٍل عـۓـلى صفحتـۓـنآ ع آلفيس بـۓـوك *اكتب فى بحث الفيس بـۓـوك حبى ليك قريبآ مع تحيات الاداره ابرئ نفسي أنا مؤسس الموقع ، أمام الله و أمام جميع الزوار و الأعضاء على ما يحدث من تعارف بين الأعضاء أو الزوار على مايخالف ديننا الحنيف * شات ومنتديات حبى ليك ترحب بكم و تتمنى لكم الافادة والاستفادة * عزيزنا الزائر تذكر دائما اذا دعتك قدرتك على ايذاء الناس فتذكر قدره الله * واعمل ماشئت كما تدين تدانحصريأ: على منتديات حبى ليك: أفلام عربى حصريأ: أفلام أجنبى حصريأ:اجمل اغانى جديده جدأ :وحصريأ:على منتديات حبى ليك:برامج كمبيوتر حصريأ:المسلسلات حصريأ : كل ماهو جديد معنا : عالم الاحتراف والتميز حبى ليك

شاطر | 
 

 هوة انتِ لسة عايشة فى الوهم... فوقى بقة!!!

اذهب الى الأسفل 
كاتب الموضوعرسالة
ذكريات قلب
Admin
Admin
avatar

عدد المساهمات : 342
نقاط : 1060
تاريخ التسجيل : 30/09/2011
العمر : 31

مُساهمةموضوع: هوة انتِ لسة عايشة فى الوهم... فوقى بقة!!!   الجمعة سبتمبر 30, 2011 10:04 pm

[center]هوة انتِ لسة عايشة فى الوهم... فوقى بقة!!!



اللهم صل على سيدنا محمد وسلم تسليما كثيرا

الى كل اخت .....

هوة انتِ لسة عايشة فى الوهم؟

الى كل من تقرأ هذا الكلام

انا احبك فى الله

والله انتِ قد تكونى غير مقدرة هذا الحب
ولكنى سوف اؤكد لكِ انى احبك فى الله


تخيلى معى ........
تخيلى انكِ ان شاء الله دخلتى الجنة
(اللهم ارزقنى واياكم الجنة)
تخيلى انك تسيرى فى ارجائها ومبهورة بما فيها
تخيلى حينما تقفى على نهر من لبن
او نهر من عثل او نهر من خمر
براحتك بقة كله متاح
وفجأة بتناديكى واحدة من بعيييييييييد
قالتلك ازيك" الحمد لله انك من الناجين
انتِ مش عارفانى
رديتى وقلتى لا !!
او قديكون الجمال الذى وهبكِ الله فى الجنة جعلنى لا اعرفك
فترد عليكِ لا !!
لاننا لم نتقابل من قبل ولكنى احبك فى الله
فأنا من كتبت الوضوع الفلانى على منتدى احلى حياة
(اللهم ارزقنى واياكِ الجنة)
آآآآآآآآآآآآآمين
انا بجد خايفة عليكِ

وهرجع اسألك !
هوة انتِ لسة عايشة فى الوهم؟
هوة انتِ لسة بتلبسى بناطيل و.... و......و....؟
وانتِ عارفة انا قصدى ايه؟
هوة انتِ لسة بتحطى ميك أب؟
هوة انتِ لسة بتضيعى من وقتك ساعتين
ادام المراية قبل ما تخرجى؟؟؟؟؟؟
هوة انتِ لسة بتحطى بارفان وانتِ خارجة؟

هوة انتِ لسة بتقفى مع محمد واحمد وتامر زمايلك؟
ولما عمر بييجى بتاخديه وتقعدوا لوحدكوا؟

ايه؟
مش سامعاكِ؟
بتقولى ان دول مجرد زمايلك انما عمر حاجة تانية

دة هيخطبك
طب بقولك ايه؟
هوة انتِ متأكدة ان عمر هيقدر بجد ويشيل مسؤليتك
ويخاف عليكِ بعد الزواج؟؟؟؟؟؟؟؟؟؟
يعنى هيكون راجل بجد
لالالالالالالا
ردى جواكِ اصل الواحد ممكن يضحك على غيره
لكن صعب يضحك على نفسه

طب على حد قول ناس كتير
الغيرة حب؟
هوة دة بيغير عليكى
هتقوليلى آه
اصل انا كل ما البس الطقم الفوشيا اياه
اللى بيمشى ورايا الجامعة كلها بيضايق
وبيقولى متلبيسيش الطقم دة
الا وانتى جاية تقابلينى بس

ياااااااااااااااااه ؟
هوة كدة بيغير عليكــِ
طب اقولك على حاجة بينى بينك
انا عندى واحدة صحبتى ملتزمة ومكتوب كتابها
مرة خلعت الجوانتى بس فالشارع
خطيبها زعل منها جدا
(اللهم ارزقنى واياكم الزوج/ة الصالح/ة)
هتقوليلى دة مقفلها اوى
هقولك لا
انتى عارفة الفرق بينه وبين عمر ايه؟
ان هوة غار عليها بجد
مش عشان حد غريب هيشوف ايديها بس
لا لا لا لا
دة خاف عليها ليكون دة اللى هيفرق معاها
بين الفردوس الاعلى وجنة تانية
ياااااااااااااه
عايزها معاه فالاخرة
انما عمر بقة لو خايف عليكِ بجد كان سابك
او جه خطبك


المهم نرجع للموضوع الاساسى
وبعد ما قابلتى عمر روحتى طبعا

هوة انتى لسة لما بابا او اخوكِ بيسألك كنتِ فين؟
بتردى تقولى ......
قصدى بتكدبى وتقولى كنت مع ريهام صحبتى؟
هوة انتِ لسة اول ما بتدخلى الاوضة بتشغلى اغانى
وتقعدى بالساعات تسمعيها ولو ماما ندهت بتطنشيها؟
هوة انتى لسة بتخرجى بالليل عشان تروحى للكوافيرة عشان
معذرة تتنمصى؟؟
ولما بترجعى بتستنى مكالمة من عمر
عشان تقضوها صباحى عالموبايل؟؟

يااااااااه هوة انتِ لسة واهمة نفسك بحتة التارحة ال على راسك وبتقولى انا محجبة؟
هوة انتِ لسة عاملة رنة الموبايل

انتي اللى عملتى لكل شباب الدنيا قلق..!!!؟

طب لحد امتى؟؟؟؟؟
طب سواء كنتِ بتعملى كل دة
او نصه او حاجة واحدة بس منه؟
ياااااااااااااه ومقرفتيش ولا زهقتى؟

طب تخيلى معايا كدة؟
ان واحدة عمالة ترمى جاز فى كل حتة فشقتها
وعمالة تولع كبريت فى كل حتة وترميه
وولعت الشقة والحمد لله!
ورايحة ترمى نفسها في النار
هتسيبيها؟؟؟
وللا هتشديها غصب عنها؟؟
(بالله عليكِ متحرجينيش وقولى هشدها)

عارفة الكبريت والجاز هوة الذنوب اللى انتِ بتعمليها
اللبس والاغانى والولاد كلللللللللللله
ونتيجة اعمالك النااااااااااااااار
اللهم انا نعوذ بك من عذاب النار

اما بقة الدور اللى انتِ بتعمليه فى قصة
هية فلانة زميلتك فالجامعة اللى جت وكلمتك فالدين شوية
واديتك كتيب وشريط وقالتلك اسمعيهم
ودعيتلك من كل قلبها ربنا يهديكِ
او فلانة جارتكم اللى لبست النقاب من فترة وقابلتك
فالشارع من يومين
وقلتلها ايه اللى انتِ عملتيه فى نفسك دة؟
ردت عليكِ وقالتلك من كللللللل قلبها عقبالك
وانتِ روحتِ رزعاها حتة بصة باشمئزاز!!!
اوالموضوع اللى قرأتيه بالصدقة وانتى بتدورى على نوع
بارفان للبنات وبس
والموضوع كان اسمه

للبنات وبسسسس !!
او ..........
او...........
واخير موضوع

هوة انتِ لسة عايشة فى الوهم؟؟؟

رسايل ربنا كتير عشان نتوب
وكل دول بيقولولك
مترميش نفسك فالنار!
طب قومى جربى دلوقتى تلفى نفسك بملاية بيضة
زى الكفن واطفى النور وتخيلى كلامى دة

جربى تتخيلى انك موتى على حالتك دى
وانتِ لابسة الطقم الفوشيا اياه
وكنتِ راجعة من مع عمر واحمد وتامر
وفجأة خبطتك عربية
وموتى
جت المغسلة مش عارفة تشيل الهدوم من كتر ضيقها
ومسكت المقص وقصتها
وغسلتك ولبستك الكفن

عارفة اللى هوة ايه؟

هوة دة
مش باين منك حاجة خالص
وجه باباكِ واخوكِ وخالك وعمك
شايلينك ورايحين المسجد يصلوا عليكِ
يااااااااااااااااه
بقالك أد ايه مدخلتيش المسجد؟؟
مش فاكرة؟؟؟؟؟؟؟؟
عارفة مين واقف بيصلى عليكِ
(اكيد مش تامر واحمد وعمر)

لانهم هيخافوا ييجوا لان اهلك مش عارفينهم
لانك خوفتى تقوليلهم
ومخوفتيش من ربنا؟؟؟؟؟؟

اللى واقف فالجنازة ريهام صحبتك
ياااااااه لبست خمار
لانها خافت من الموت الفجأة
وجارتك ال قالتلك عقبالك بالنقاب
وانتِ بصيتلها باشمئزاز
واقفة تبكى وبتدعيلك بالمغفرة
خرجت الجنازة من المسجد والنساء روحوا
والرجالة هيشيعوكى للقبر
وانتى قاعدة تقولى اخرونى اخرونى
وبعدين روحتى القبر وللحدوكِ
وطلبوا من الله المغفرة
وسمعتى صوت نعالهم

(اعزكم الله)

الصوت بيبعد..........

بيبعد......
بيبعد...

ايه دة مشوا وسابونى؟
لوحدى؟
فى الضلمة؟
طب يا عمر ارجوك اقعد معايا فالقبر شوية
على ما آخد عالجو
(سلامات يا عمر)
طب ياتامر انت واحمد
5 دقايق بس
(منعطلكيش بقة)
ليه كدة دة احنا ياما هزرنا سوا
وضحكنا دلوقتى هتسيبونى
(امال نتعذب معاكِ يختى)

هية دى الرجولة؟
ايه ياعمر
فين الكلام الحلو ؟
فين متخافيش وانتِ معايا؟
فيييييييييين؟
(وانتِ بتصدقى الحاجات دى دة انا كنت بضيع وقت بتسلى يعنى)

طب يا ريهام دة انا ياما حطيتلك ميك أب
دة انتى مكنتيش بتعرفى تحطى؟

(سيبينى استغفر ربى قبل ما اضيع زيك)
قال تعالى((قَالَ قَرِينُهُ رَبَّنَا مَا أَطْغَيْتُهُ وَلَكِن كَانَ فِي ضَلَالٍ بَعِيدٍ))
وفجاة فهمتى ان اللى فات من حياتك كان لعبة
واللى جاى هوة اللى حقيقى
وقررتى تقولى

(رَبِّ ارْجِعُونِ لَعَلِّي أَعْمَلُ صَالِحاً فِيمَا تَرَكْتُ)


وفى عز صراخك لقيتى
صوت هز ضلوعك
فجأة لقيتى ملكان اسودان ازرقان
يجران شعرهما ويبحثان القبر بأنيابهما
لهم صوت كالرعد
ونظر كالبرق
قعدوكِ بيسألوكِ

من ربك؟

هاه....... هاه........ لا ادرى

ما دينك؟

هاه ......... هاه.... لا ادرى

ما هذا الرجل الذى بعث فيكم؟

هاه........ هاه ........لا ادرى



فينادِ منادٍ من السماء ان كذب فافرشوا له من النار

وافتحوا له بابا من النار

فيأتيه من حرها وسمومها

ويضيق عليه قبره

حتى تختلف فيه اضلاعك

ويأتيكِ رجل قبيح الوجه

قبيح الثياب نتن الرائحة

فتصرخى انت مين يعم انت كمان؟

فيقولك :
انا عملك السوء

انا اللبس الضيق والطقم الفوشيا اياه و الميك أب
انا البرفان وعقوقك لوالديكِ
انا وقفتك وهزارك مع احمد وعمر وتامر
انا الاغانى انا اعراضك عن التوبة
رغم الرسايل اللى كانت بتجيلك!
انا....... وانا .........وانا.........
اخـ خـ خـ خـ خـ ......

فجاة تصرخى رب لا تقم الساعة


وفجأة انا اصرخ فيكِ واقولك

فوقى من الخيال

احنا لسة فالواقع
وللاسف اللى فات مكنش خيال
دة واقع مؤجل لا يعلم موعده الا الله


حبيبتى
بالله عليكِ قومى خدى خطوة صح

وصدقينى مش هتندمى

قومى امسحى الاغانى

وامسحى ارقام تامر وعمر احمد
(ولو فى غيرهم امسحيهم متضحكيش عليا يعنى وتسيبى عمرو ومحمد وياسر وتقولى مهى مش كاتبة غير الاسماء دى)

وقولى لماما انا اسفة
وبوسى ايدها
وغيرى نفسك وتوبى

واتصلى على اى حد من اصحابك الملتزمين قوليلهم
انا توبت خلاص متسيبونيش اضيع تانى






واحنا كلنا معاكِ اخواتك

كلنا هنا عشان ناخد ايد بعض

واستغلى اللحظة دى واضربى عالحديد وهوة سخن
ومتسوفيش ولا تقولى بكرة

خدى قرار
ولا عمر ولا تامر
قال تعالى:
(ولا متخذات اخدان)
لا لكل اللى يغضب ربنا

وانزلى بكرة المسجد وشوفى حلقة تجويد
وابدأى وسابقينا للجنة

ولو مش عارفة مواعيد الدروس والمساجد
ادخلى عالصحبة الصالحة وقولى انا من البلد كذا
وعايزة اعرف مواعيد الدروس
هتلاقى بنات من بلدك هيساعدوكى
عارفة فرحتهم ايه؟

التجمع فى طاعة الله

فى ابتسامة يتيم

وزعلهم لما يقصروا فى الطاعة

ومتقوليش الالتزام صعب وانتوا مقفلينها اوى

جربى الاول بنفسك

وقولى لنفسك منا زمان كنت بجرب اى حاجة

اشمعنى فى الصح مش هجرب؟

وخللى بالك من شوشو
(الشيطان)
هيقولك طب بكرة
طب معرفش ايه
قوليله

سيبنى فى حالى بقة ضيعتنى
واستعيذى بالله من الشيطان الرجيم
اسالى غيرك اللى تابوا
هيقولولك احنا احلى حياة عيشينها هى

احلى حياة فى طاعة الله

ولو واجهتك اى مشكلة
ادخلى على

التواصل الإيماني


ودة طبعا بعد ما تسجلى معانا عالمنتدى

وربنا يبارك فيكِ يا اخيتى
انا حقا احبك فى الله
اللهم نفع به
صلوا على الحبيب محمد
صلى الله عليه وسلم

سبحانك اللهم وبحمد لا اله الا انت استغفرك واتوب اليك




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hobylyk.own0.com
فراشه الحب
مشرف عام
مشرف عام
avatar

عدد المساهمات : 8
نقاط : 10
تاريخ التسجيل : 07/11/2012

مُساهمةموضوع: رد: هوة انتِ لسة عايشة فى الوهم... فوقى بقة!!!   الأربعاء نوفمبر 07, 2012 6:04 pm

السلام عليكم
يااااة يا اخى الكريم
لو كل بنت مننا وقفت وقفه مع نفسها كدة علشان تفكر
مكنتش وصلت للدرجه اللى احنا وصلنالها دى
بتمنا من ربنا حجات كتير اقلها انى التزم
رضاك يارب عنى
اجعلنى من معمرى القراءن
احعلنى من معمرى صلاتك
يسلمووو اخى نايس موضوع وربنا روووعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
هوة انتِ لسة عايشة فى الوهم... فوقى بقة!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حبى ليك :: اسلاميات :: المنتدا العام الاسلامى-
انتقل الى: